TANZANIA YAPIGA HATUA HAIMO KTK ORODHA YA NCHI MASIKINI DUNIANI ,HONGERA RAIS KIKWETE

TAKWIMU za nchi masikini dunian,Tanzania mwaka 2010 ilishika nafasi ya tatu kwa umaskini duniani, japo kwa sasa Tanzania  imepiga hatua  kubwa kwa  kutoingia hata katika nchi 25 masikini imeshindwa  kuingia kweli  kama mwanahabari mzalendo  wa Taifa  langu Tanzania  naungana na wote  wapenda maendeleo kumpongeza Rais wetu Dkt Jakaya  Kikwete na  timu  nzima kwa  kuiwezesha  Tanzania  kufika hapa  ilipo, Rais  Dkt Jakaya  Kikwete 

Mungu ibariki  Tanzania Mungu wabariki  viongozi  wote  pamoja na  wananchi  wa Tanzania ila  kwa pamoja  tukumbuke  Amani na utulivu ni ngao  yetu

MAONESHO YA NANE TABORA

 

Mkuu wa mkoa wa Tabora  Bi.Fatma Mwassa akipata maelezo kutoka kwa Meneja wa Sido mkoa wa Tabora wakati alipotembelea banda la  Sido katika maonesho ya Nanenane.

CHINA YATAKA KUWEKEZA KWENYE TUMBAKU YA TABORA,MAKAMPUNI YA WAZUNGU YAPATA HOFU KUBWA

 

Balozi wa China nchini Tanzania Bw.Lu Youqing akiwa na mwenyeji wake mkuu wa mkoa wa Tabora Bi.Fatma Mwassa wakati alipotembelea Ghala la Tumbaku lililopo eneo la Cheyo manispaa ya Tabora.

Balozi wa China nchini Tanzania Bw.Youqing akizungumza na baadhi ya wataalam katika kikao kifupi ukumbi wa Ofisi ya mkuu wa mkoa wa Tabora  wakati alipofanya ziara yake mkoani Tabora.

Mkuu wa mkoa wa Tabora Bi.Fatma Mwassa akiwa na mgeni wake Balozi wa China Bw.Youqing,pembeni Meya wa halmashauri ya Manispaa ya Tabora Bw.Ghulam Dewij wakati wa mapokezi ya Balozi huyo katika uwanja wa ndege wa Tabora.

Mkuu wa mkoa Bi Fatma Mwassa  akiwa na ugeni huo walipokuwa wakiangalia tumbaku iliyokuwa imeandaliwa kwa ajili ya kupelekwa katika viwanda vya Sigara.

CHINA KUJENGA MJI WA KISASA TABORA,NEEMA YANUKIA,WAWEKEZAJI WENGI WAJA KUWEKEZA.

 

Balozi wa China nchini Tanzania Bw.Lu Youqing akiwa na mwenyeji wake mkuu wa mkoa wa Tabora  wakati wakipata maelezo ya eneo la kujenga Bandari ya nchi kavu huko Inala nje kidogo ya mji wa Tabora.

Barabara ya Tabora - Itigi kwa kiwango cha Lami ambapo balozi Lu alitembelea. 

NIONAVYO MIMI
Ama kwa hakika Mungu si Athumani,amini usiamini kuna kila dalili kwa mkoa wa Tabora kuwa sehemu inayovutia kwa utafutaji wa maisha.

Pamoja na kuwa tulizoea kusema kuwa Tabora hakuna kitu,Tabora pakavu sana,Tabora hakuna lolote,Tabora majungu tu,Tabora wachawi,Tabora mauaji ya kupindukia na mambo kadha wa kadha  ...Lakini hayo  yote hivi karibuni katika kipindi kifupi kijacho huenda  yakabaki kuwa historia tu ikiringanishwa na jitihada zinazofanywa na Serikali ya mkoa wa Tabora katika kutafuta wawekezaji.

Si vibaya hata kuliona hilo kubwa lililofanywa na Rais Kikwete la kuweka barabara za kiwango cha Lami ikiwa ni mkakati wa kuufungua mkoa wa Tabora  ambapo kwa wengine wamekuwa wakibeza jitihada hizo na kuletea maneno mengi yasiyo na mashiko kila upande,Lakini  hili sasa wenzetu wa Serikali ya mkoa wa Tabora wakalitazama tofauti kidogo kwa maana ya kuona mbali zaidi. 

Wakafumbua macho yao na kuona baada ya barabara za lami nini maandalizi yetu kama mkoa,...bila kufanya ajizi wakaanza mpango mkubwa wa kutafuta wawekezaji kila kona ili mradi tu kuona kama kweli mabadiliko yatakuwepo au la kama walivyozoea wenyeji ambao wengi wao hawataki mabadiliko na kubaki na msemo "eti Tabora ilishalaaniwa na waarabu haiwezi kupata maendeleo"jambo ambalo ni fikra mfu kwa ulimwengu wa sasa wa Sayansi na Teknolojia.

Hapa nakubaliana na vichwa vilivyokaa  na kutafakari namna ya kuwaondoa wakazi wa Tabora pale walipo na kujaribu kuwafikisha eneo ambalo nao wataona kuwa ni nafasi yao kipekee katika kuyaona maisha katika mwanga bora,kumbe MAISHA BORA KWA KILA MTANZANIA INAWEZEKANA.

Hongereni sana  Jamani kwa kuumiza vichwa hili lilikuwa gumu sana kulifikia hapa Tabora.

Wawekezaji kutoka china  imeelezwa kuwa tayari wamethibitisha wapo tayari kuwekeza kwa kununua tumbaku ambayo katika kipindi hiki chote wakulima wamekuwa wakinyonywa na makampuni ya wazungu ambayo yamekuwa yakinunua zao hilo kwa kadri wanavyotaka wao tena naweza kusema kuwa kwa dhuruma kubwa wakishirikiana na baadhi ya viongozi wa vyama vya msingi ambao nao kwa sehemu kubwa huchangia kuzidisha umasikini kwa wakulima wenzao.  

Tukiachana na zao la tumbaku ambalo ndilo zao kuu la biashara na linaloingiza pato kubwa lisilo mnufaisha mkulima,fursa nyingi zilizotangazwa ambazo zitaleta mabadiliko makubwa  Tabora,Uwekezaji katika maeneo mbalimbali ikiwemo ujenzi wa bandari ya nchi kavu,mji wa kisasa wa china,ujenzi wa Stand mpya ya kisasa utakaotokana na kukamilika kwa barabara hizi za kiwango cha Lami na ukizingatia Tabora kama vile ipo katikati hivi!!...Kwa maana  kila itakuwa vigumu kwa wafanyabiashara wakubwa kuendesha shughuli zao pasipo kuifikiria Tabora ambayo sasa itakuwa kiunganishi kikubwa hata na nchi za Rwanda,Burundi,Uganda na pengine hata Kongo pia.

Sasa  naomba nitoe tahadhari kwa wananchi wenzangu wa Tabora,...Jamani msibweteke maana ninaloliona kwenu kwasasa ni kubaki walalamikaji pale wenzetu kutoka mikoa jirani watakapo kuja na kuchangamkia fursa mbalimbali hizi zinazoanza kunukia.....Jamani msije ,mkawalaumu viongozi wa serikali kwani hata mbeleko waliyojaribu kutubebea hadi sasa itakatika na matokeo yake tutadondoka chini na kuumia,...Lamsingi tuchangamkie fursa hizi zinakuja.

Balozi wa China nchini Tanzania Bw.Lu Youqing ametembelea mkoa wetu wa Tabora hii ina maanisha ni jitihada za Serikali ya mkoa  ndio zimefikia hatua hiyo na niwazi kwamba Balozi pia amefuatana na Jopo la viongozi wa Asasi za Wawekezaji huko China ambapo wameonesha kuridhishwa na fursa zilizopo Tabora na kukubali kuwekeza katika nyanja mbalimbali.



     

  

UAPISHO WA RAIS WA CHUO CHA UTUMISHI WA UMMA, TPSC-TABORA

TANZANIA PUBLIC SERVICE COLLEGE {TPSC} KIMENDESHA ZOEZI ZIMA LA KUUAPISHA UONGOZI WA SERIKALI YA WANAFUNZI AMBAPO MKURUGENZI WA CHUO ALIWAAPISHA RAIS NA MAKAMU WAKE NA RAIS KULIAPISHA BARAZA LAKE LITAKALOFANYA KAZI KWA MUHULA WA MWAKA 2013/14.

ZOEZI HILO LILIAMBATANISHWA NA UKARIBISHWAJI WA WANACHUO WAPYA KWA MWAKA HUU WALIOANZA MASOMO YAO HIVI PUNDE KWA MICHEZO MBALIMBALI IKIWEMO MPIRA WA KIKAPU, MPIRA WA MIGUU, VOLLEYBALL NA NETBALL.

KUSHOTO: DICKSON KATEMBO AKIAPISHWA NA MKURUGENZI WA CHUO ALIYESIMAMA KULIA 

RAIS AKISAINI KIAPO 

MKURUGENZI WA CHUO AKISAINI KIAPO HICHO BAADA YA KUMUAPISHA RAIS. 

MAKAMU WA RAIS AKIAPISHWA NA MKURUGENZI WA CHUO 

MAKAMU AKISAINI KIAPO CHAKE CHA KUITUMIKIA SERIKALI YA CHUO HICHO KWA MWAKA 2013/14

RAIS AKILIAPISHA BARAZA LAKE LA MAWAZIRI

PICHA YA PAMOJA YA UONGOZI WA CHUO NA MARAIS

RAIS NA MAKAMU WAKE 

MKURUGENZI AKIWAHOTUBIA WANACHUO

RAIS WA CHUO AKIWAHOTUBIA WANACHUO PAMOJA NA KUTOA SHUKRANI ZAKE

BARAZA LA MAWAZIRI

PICHA YA PAMOJA KATI YA BARAZA LA MAWAZIRI NA UONGOZI WA CHUO

RAIS NA BARAZA LAKE

WANACHUO 

WANACHUO WAKITEGA MASIKIO YAO KWA UMAKINI 

WAKIJONGEA ENEO LA TUKIO KWA KIAPO

MWANAUME AFIA GESTI AKIFANYA MAPENZI NA MPENZI WAKE JIJINI DAR

MFANYABIASHARA wa sokoni Kariakoo jijini Dar ambaye pia ni mkazi wa Kigogo Flesh, Hamad Kiponda (46), amefia nyumba ya kulala wageni akiwa na mpenzi wake Latifa Saidi (25).


Kamanda wa Polisi Mkoa wa Ilala, Marietha Minangi alisema tukio hilo lilitokea juzi saa saba mchana katika nyumba hiyo iitwayo Sansiro iliyoko Kiwalani kwa Gude.

 
Alisema kuwa kutokana na tukio hilo, Latifa alitoa taarifa polisi kwamba mpenzi wake aliishiwa na nguvu ghafla na kuanza kutokwa povu mdomoni wakati wakifanya mapenzi.
 
Minangi alieleza kuwa mtoa taarifa huyo aliomba msaada kwa wahudumu wa gesti hiyo, lakini Kiponda alifariki papo hapo kabla ya kupelekwa hospitali.


Chanzo cha kifo chake bado hakijafahamika, wakati mwili wake umehifadhiwa katika Hospitali ya Taifa Muhimbili kwa uchunguzi zaidi huku Latifa akishikiliwa kwa kuhojiwa.
 
Wakati huo huo, moto umezuka ghafla katika nyumba ya Matiku Nestori (43) mkazi wa Tuamoyo Kigamboni, yenye vyumba sita na kuteketeza vyumba vinne pamoja na mali zote zilizokuwemo ndani ambazo bado thamani yake haijajulikana.


Kwa mujibu wa Kamanda Minangi tukio hilo lilitokea juzi saa nane mchana na chanzo cha moto huo inasadikiwa ni hitilafu ya umeme iliyosababisha moto kuanzia kwenye nguzo.

JESHI LA POLISI KUCHUNGUZA TUKIO LA KUPIGWA RISASI SHEIKH PONDA

                                    

JAMHURI YA MUUNGANO WA TANZANIA

WIZARA YA MAMBO YA NDANI

JESHI LA POLISI TANZANIA 

 

 

Anuani ya Simu “ MKUUPOLISI”                                                                                                                                                                                                                                                                                                             & nbsp;                                Ofisi ya Inspekta  Jenerali wa Polisi,

Simu : (022) 2110734                                                                                            Makao Makuu ya Polisi,

Fax Na. (022) 2135556                                                                                                          S.L.P. 9141,

Unapojibu tafadhali taja:                                                                                    DAR ES SALAAM 

 

TAARIFA KWA VYOMBO VYA HABARI

 

DAR ES SALAAM AGOSTI 10, 2013.

 

1.  MNAMO TAREHE 10, AGOSTI ,2013 MAJIRA YA SAA 8 MCHANA, MAENEO YA SHULE YA MSINGI KIWANJA CHA NDEGE MANISPAA YA MOROGORO, KULIFANYIKA KONGAMANO LA BARAZA LA EID LILILOANDALIWA NA UMOJA WA WAHADHILI MKOANI MOROGORO. DAKIKA KUMI KABLA YA KONGAMANO HILO KUMALIZIKA  ALIFIKA SHEKHE PONDA ISSA PONDA AMBAYE ALIZUNGUMZA KWA MUDA MFUPI.

 

2. KONGAMANO HILO LILIFUNGWA  MAJIRA YA SAA 12:05 JIONI AMBAPO WATU WALIANZA KUTAWANYIKA, BAADHI YAO WAKIWA WAMEZINGIRA GARI DOGO ALILOKUWA AMEPANDA SHEKHE PONDA. BAADA YA KUTOKA KATIKA  ENEO HILO, ASKARI WA JESHI LA POLISI WALIZUIA GARI HILO KWA MBELE KWA NIA YA KUTAKA KUMKAMATA SHEKHE PONDA AMBAYE MPAKA SASA ANATUHUMIWA KWA KOSA LA KUTOA MANENO YA UCHOCHEZI SEHEMU MBALIMBALI HAPA NCHINI YENYE MLENGO WA KUSABABISHA UVUNJIVU WA AMANI.

 

3. BAAADA YA ASKARI KUTAKA KUMKAMATA, WAFUASI WAKE WALIZUIA UKAMATAJI HUO KWA KUWARUSHIA  MAWE ASKARI.  KUFUATIA PURUKUSHANI HIYO, ASKARI WALIPIGA RISASI HEWANI KAMA ONYO LA KUWATAWANYA.

 

4. KATIKA VURUGU HIZO, WAFUASI HAO WALIFANIKIWA KUMTOROSHA MTUHUMIWA.  HIVI SASA IMETHIBITIKA KUWA SHEKHE PONDA YUKO KATIKA HOSPITALI YA TAIFA YA MUHIMBILI AKITIBIWA JERAHA KATIKA BEGA LA MKONO WA KULIA LINALODAIWA ALILIPATA KATIKA PURUKUSHANI HIZO.

 

5. KUFUATIA TUKIO HILO, TIMU INAYOSHIRIKISHA WAJUMBE KUTOKA JUKWAA LA HAKI JINAI IKIONGOZWA NA KAMISHINA WA JESHI LA POLISI  CP ISSAYA MNGULU IMEANZA KUFANYA UCHUNGUZI WA TUKIO HILO.

 

6. AIDHA, JESHI LA POLISI LINATOA  WITO KWA  WANANCHI KUWA WATULIVU WAKATI SUALA HILI LINASHUGHULIKIWA KISHERIA.

 

Imetolewa na:-

Advera Senso- SSP

Msemaji wa Jeshi la Polisi.

 

KATIBU WA JUMUIYA YA TAASISI ZA KIISLAMU TANZANIA  SHEIKH ISSA PONDA NI KWELI HAPO JANA ALIPIGWA RISASI NA KWASASA YUPO HOSPITALI YA  RUFAA YA MUHIMBILI KWA MATIBABU ZAIDI NA SI KWELI KAMA YUPO CHINI YA ULINZI WA POLISI KAMA  SMS MBALIMBALI KUPITIA SIMU ZA VIGANJANI ZINAVYOSAMBAZWA.

PIA JUMUIYA NA TAASISI YA KIISLAMU TANZANIA LEO IMETOA TAARIFA  ZA TUKIO HILO NA HUKU IKILAANI  VIKALI KUPIGWA  RISASI SHEIKH PONDA NA KWAMBA KAMA ALIKUWA NA HATIA KITENDO CHA KUMPIGA RISASI SIO SULUHISHO BALI NI KUONGEZA CHUKI MIONGONI MWA JAMII.(picha na S Magambo)