WADAU WA SOKA TABORA WAITAKA TIMU YA RHINO KUFANYA VIZURI KUWANIA NAFASI YA KUCHEZA LIGI KUU

 Mwenyekiti wa Chama cha mpira wa miguu mkoani Tabora Yusuph Kitumbo akizungumza na wachezaji wa timu ya Rhino wakati wa hafla fupi ya kuukaribisha mwaka mpya wa 2013 ambapo Kitumbo aliwataka wachezaji hao kujibidiisha katika michuano ya kuingia ligi kuu Tanzania Bara.

 Baadhi ya wachezaji wa timu ya Rhino wakiwa katika hafla hiyo iliyofanyika katika ukumbi wa Muungano Mess Tabora.

USIKU WA MWAKA MPYA BALAA TUPU,KHANGA MOKO TABORA

 Hii ni sehemu za baadhi ya picha zilizoonesha nini kilichofanyika katika ukumbi wa Theophilo Kisanji Tabora ikiwa ni moja ya Show zilizoambatana na Shindano la kumsaka Miss & Mr.Kamna 2013 

 Haikuwa salama hata kidogo kwa baadhi ya wanaume walioingia katika ukumbi wa Theophilo Kisanji.

Umati mkubwa uliofulika katika ukumbi huo wakishangazwa na Show ya Khanga Moko laki si Pesa.

MKUU WA MKOA WA MWANZA AZINDUA RASMI CHANJO YA MTOTO 2013

Mkuu wa Mkoa wa Mwanza Mhandisi Evaristi Ndikilo akihutubia kwenye uzinduzi wa Chanzo

Mkuu wa Mkoa wa Mwanza Mhandisi Evaristi Ndikilo akimwekea chanjo mmoja ya kati ya watoto walioshiriki kwenye Uzindu wa Chanjo kwa Mtoto 13 Mkoani Mwanza

Mkuu wa Mkoa wa Mwanza Mhandisi Evaristi Ndikilo akishiriki kwenye buradani ya msanii mchelemchele muda mfupi baada ya Kuzindua Chanjo kwa Mtoto 2013 Mkoani Mwanza Leo

---

Na Atley Kuni.

Zoezi la Chanjo limefanyika kimkoa katika Wilaya ya Sengerema kwenye Tarafa ya Sengerema  kijiji cha Sima na Kata ya Sima Mkoani Mwanza.

Akizindua zoezi hilo Mkuu wa Mkoa wa Mwanza Mhandisi Evaristi Ndikilo amesema zoezi hilo kimkoa ni lazima lifanikiwe kwa mujibu wa malengo walio jiwekea ya 95% kwa kila wilaya kinyume chake wale wote watakaoshindwa kufikia lengo itabidi wajieleze na sababu zilizofanya washindwe kuvuka malengo katika Mkoa wake.

Ndikilo amesema yeye kama mtendaji Mkuu katika Mkoa wa wa Mwanza hayupo tayari kuona Mkoa huo unakuwa wa mwisho katika zoezi hilo.

Amewahimiza wazazi kujitokeza kuhakikisha watoto wao wanapatiwa chanjo hiyo kwani kuacha kuwachanja watoto, si hatari kwa mototo tu, bali pia watoto wenzake wanao mzunguka hivyo ni vema kila mzazi akaona umuhimu wakumpeleka watoto katika chanjo.

Mkuu huyo wa Mkoa amewahakikishia wananchi wa Sengerema na Mkoa wa Mwanza kwa ujumla wake kuwa, chanjo hiyo ni salama kwakuwa imefanyiwa utafiti wakutosha na wataalam wa afya wa Ulimwenguni na  Wizara ya afya hapa nchini.

Akihututubia mamia ya wananchi wa kijiji hicho cha Sima,  Amesema watoto wa chini ya miaka 5 wanachangamoto nyingi, hasa kwenye nchi zetu hizi zinazo endelea , kwani kwingineko kwa nchi zilizo endelea watoto wanao zaliwa hukua kwa takriba ni 99% tofauti na hapa kwetu.

Amesema ugonjwa wa kichomi huua watoto kwa 14% ukitanguliwa na Malaria ambao huuwa kwa asilimia 15% huku ugonjwa wa kuharisha ukishika nafasi ya tatu kwa kuuwa watoto wengi kwa asilimia 12% kwani nchini Tanzania kila mwaka watoto walio chini ya umri wa miaka mitano wapatao takriba ni 198,443 huugua ugonjwa wa kuharisha na kati yao 13,397 hufariki dunia.

Ujumbe mahususi wa siku hiyo ni Jamii iliyochanjwa ni Jamii yenye afya, ameongeza kuwa Chanjo hiyo ni sehemu ya Ilani, hivyo kufika 2015 jamii ya kitanzania iwe ni jamii iliyo na ustawi.

Magonjwa ambayo hadi hivi sasa yana chanjo ni donda koo, kichomi, kuharisha, pepopunda, kifua kikuu, surua, homa ya uti wa mgongo, kifaduro, homa ya ini, na polio, haya ndio magonjwa yaliopo katika mpango wa Taifa wa chanjo alisema na kuongweza.

Amehiza  viongozi wa kila  ngazi kuzindua kampeni hiyo, na watoto walengwa ambao ni kuanzia wiki 6 hadi wiki 32 wapatiwe chanjo hiyo bila kukosa.

Jumla ya watoto 149,000 wanategemewa kupatiwa chanjo hiyo na amesema zoezi hilo ni endelevu hadi tarehe 31. DEC. 2013.

Kaulimbiu ya katika maadhimisho hayo ni kuwa “Mtoto asiye chanjwa ni hatari kwake na kwawenzake, mpeleke mototo wako akachanjwe”

Airtel yawazawadia washindi wa mwenzi wa “Amka Millionea” promosheni shilingi million 30

 Afisa Uhusiano wa Airtel bi Jane Matinde akiongea na waandishi wa habari wakati wa kuendesha droo ya mwenzi  wa washindi wa Amka Millionea, Ambapo moja kati ya washindi ni  bw Rickson Richard kutoka Arusha aliyejishindia shillingi million 15. pichani  Katikati ni Meneja Bidhaa Francis Ndikumwami akifatiwa na Mwakilishi wa Bodi ya Bahati nasibu ya taifa bw Sadiki Elimsu. 

 Meneja Bidhaa Francis Ndikumwami na Mwakilishi wa Bodi ya Bahati nasibu ya taifa bw Sadiki Elimsu wakitafuta washindi wa mwenzi wa promosheni ya Amka Millionea ambapo Ambapo moja kati ya washindi ni bw Rickson Richard kutoka Arusha ambaye amejishinid kitita cha shillingi million 15.  wakishuhudia ni waandishi wa habari , kulia ni Afisa Uhusiano wa Airtel bi Jane Matinde

Afisa Uhusiano wa Airtel bi Jane Matinde akiongea na Mshindi wa Amka Millionea bw Rickson Richard (19) kutoka Arusha  mara baada ya kuibuka kuw mshindi wa shillingi million 15 wa promosheni ya Amka millionea, Katikati ni Meneja Bidhaa Francis Ndikumwami akifatiwa na Mwakilishi wa Bodi ya Bahati nasibu ya taifa bw Sadiki Elimsu

.............................................

Airtel yawazawadia washindi wa mwenzi wa “Amka Millionea” promosheni shilingi million 30

    Washindi wawili wapatikan, Kila mmoja aondoka na kitita cha shilling million 15

2 January 2013  Kampuni ya simu za mkononi ya Airtel inayotoa huduma nafuu na yenye wigo mpana zaidi wa mawasiliano, leo iwatangaza washindi  wa mwenzi wa promosheni “Amka Millionea” wa pesa taslimu  million 30 mara baada ya kuibuka washindi kupitia droo iliyofanyika leo asubuhi ambapo kila moja ameibuka na  kitita cha shilingi milioni 15 pesa taslimu.

Akitangaza washindi hao mara baada ya droo iliyofanyika katika makao makuu ya Airtel Afisa uhusiano wa Airtel Jane Matinde alisema” Airtel inawapa nafasi nyingine watanzania  kushiriki na Kushinda fedha taslimu kwa kupiti promosheni yetu hii kabambe ya “Amka Millionea” iliyozinduliwa mwanzoni mwa mwenzi December, mpaka sasa wateja zaidi ya 300 wamejishindia zawadi za pesa taslimu zenye thamani  zaidi ya shilingi million 120.  Promosheni ya Amka millionea inawazawadia wateja wa Airtel  Kila siku , kila wiki na leo tunashuhudia wateja wawili wa mwisho wa mwenzi wakiibuka kuwa washindi wa shilingi million kumi na tano kila mmoja.

Tunaendelea kuwajali na kuwazawadia wateja wetu nchi nzima kuhakikisha washindi wengi wanapatikana, tunaendelea kuimarisha dhamira yetu ya kutoa huduma bora zenye viwango vya juu na kudhihirisha kauli mbiu yetu ya jisikie huru, aliongeza Matinde

Akiongea kwanjia ya simu mara baada ya kutangazwa mshindi, Rickson Richard  mkazi wa Arusha na mwanafunzi wa kidato cha tano  katika shule ya Lyamungo high school alisema’ nimefurahi kuibuka mshindi wa milioni 15 wa promosheni ya Amka millionea, pesa hizi ntazitumia katika masomo yangu shule na kumsaidia baba yangu ambaye ndiye aliyenipa pesa za kuchezea promosheni hii.  nawaambia watanzania  ­­­­­­­­­­­­­­­­­­­­­waamini wanaweza kushinda na kujiunga kwani mimi nimecheza na nimeshinda kwa Bahati nao pia wananafasi ya kujishindia kama mimi.

Tunapenda kuwajulisha kuwa promosheni hii bado inaendelea na kukupa nafasi ya kuwa mmoja kati ya washindi wa mamilioni ya fedha  kila siku, kila wiki, kila mwezi  au mshinid wa zawadi kubwa moja itatolewa mwisho wa promosheni. 

Ili mteja aweze kushiriki inabidi atume neno WIN/SHINDA kwenda namba 15595 bure , Baada kujiunga mteja atakuwa atapata ujumbe kutoka 15656 na kupata maswali ambayo atajibu na akipata sahihi atapata ponti 20 akikosea atapata ponti 10. Na kwakila ujumbe atakaotuma atatozwa kiasi cha shilingi 350 pamoja na kodi.

HEREHE ZA MIAKA 49 YA MAPINDUZI KUANZA KESHO ZANZIBAR

Na Maelezo Zanzibar  

Sherehe za miaka 49 ya Mapinduzi ya Zanzibar zinaanza rasmi kesho kwa kazi za kufanya usafi wa mazingira katika Wilaya zote za Unguja na Pemba.

Kwa mujibu wa Ratiba iliyotolewa na Kamati ya Sherehe na maadhimisho ya kitaifa imeonesha kuwa Miradi ipatayo 62 inatarajiwa kuzinduliwa katika Visiwa vya Unguja na Pemba.

 Rais wa Jamhuri ya Muungano wa Tanzania Dkt. Jakaya Kikwete atafungua Skuli mpya ya Sekondari ya Mlimani, iliyopo Matemwe Mkoa wa Kaskazini Unguja ikiwa ni Shamra shamra za Sherehe hizo.

 Rais wa Zanzibar na Mwenyekiti wa Baraza la Mapinduzi Dkt.Ali Mohamed Shein naye atazindua miradi mbalimbali ikiwemo Ufunguzi wa Jengo la Chuo cha Utawala wa Umma huko Tunguu Wilaya ya Kati Unguja.

 Pia atafungua mradi wa E-Government katika Wilaya ya Magharibi Unguja na kufungua Skuli mpya ya Sekondari ya Umoja, iliyopo Uzini Wilaya ya Kati Unguja pamoja na kuzindua Barabara kutoka Mfenesini hadi Bumbwini Wilaya ya Kaskazini B Unguja.

 Hali kadhalika Dkt.Shein atafungua Mradi wa kuhama kutoka Teknolojia ya Analojia kwenda Dijitali na Ufunguzi wa Studio ya kurikodia Sanaa na Muziki ambapo kwa upande wa Pemba atafungua Skuli mpya ya Sekondari ya Shamiani iliyopo Chake Chake Mkoa wa Kusini Pemba.

  Mbali na Shughuli hizo siku ya kilele hapo January 12 kwenye Uwanja wa Amani Rais Shein atakagua Gwaride lililoandaliwa na Vikosi vya ulinzi na usalama na Vikosi vya SMZ pamoja na kulihutubia Taifa na Usiku kuhudhuria Taarab rasmi huko katika Ukumbi wa Salama Hoteli ya Bwawani

 Naye Makamo wa Kwanza wa Rais Maalim Seif Shariff Hamad atafanya uzinduzi mbali mbali kwa ufunguzi wa Skuli na Maabara wakati Makamo wa Pili wa Rais Balozi Seif Idd atafanya Shughuli kama hizo kwa ufunguzi wa Skuli na Majengo mapya ya nyumba za Wazee zilizopo Sebleni Wilaya ya Mjini Unguja.

 Mbali na shughuli hizo baadhi ya Marais wastaafu,Mawaziri mbali mbali wa Serikali ya Mapinduzi Zanzibar na Muungano watafanya shughuli za ufunguzi wa Miradi mingine ikiwemo ya Maji, Skuli na Mradi wa Mnara wa Radio wa Masafa ya Kati uliopo Bungi Wilaya ya Kati Unguja.

Waziri Mkuu Wa Kenya Raila Odinga Akiondoka Jijini Dar es Salaam baada ya Kumaliza Mapumziko Mafupi na Familia Yake Nakusikindikizwa na Waziri wa Ujenzi Dr John Magufuli

Waziri Mkuu wa Kenya Mhe. Raila Odinga Akipanda Ndege kwenye Uwanja wa Ndege wa Kimataifa Mwl. Julius Nyerere VIP Terminal jijini Dar es salaam baada ya kumaliza mapumziko yake mafupi na familia yake jijini Dar es Salaam

 Picha Juu na Waziri wa Ujenzi Mhe. John Magufuli akimsindikiza  Rafiki Yake wa Karibu  Waziri Mkuu wa Kenya Mhe. Raila Odinga kwenye Uwanja wa Ndege wa Kimataifa Mwl. Julius Nyerere VIP Terminal jijini Dar.

 Picha Juu na Waziri wa Ujenzi Mhe. John Magufuli akiagana na Rafiki Yake wa Karibu  Waziri Mkuu wa Kenya Mhe. Raila Odinga kwenye Uwanja wa Ndege wa Kimataifa Mwl. Julius Nyerere VIP Terminal jijini Dar.

 Waziri wa Ujenzi Mhe. John Magufuli(kushoto)akifurahia jambo na  Mke wa Waziri mkuu wa Kenya Mhe Raila Odinga katika Uwanja wa Ndege wa Kimataifa wa Mwl. Julius Nyerere VIP Terminal jijini Dar katikati ni Waziri Mkuu wa Kenya Rais Ondinga

Pichani juu ni familia ya Dk. John Magufuli na Raila Odinga wakiwa katika Uwanja wa Ndege wa Julius Nyerere jijini Dar es Salaam wakati Raila Odinga akirudi nchini Kenya. Dk Magufuli amemsindikiza Raila leo baada ya kukaa nchini kwa siku kadhaa.Picha na mdau Evo Morales

POLISI ALIYEFIA KATIKA OPERESHENI DARFUR SUDAN AZIKWA

Maofisa wa Polisi wakiwa wamebeba jeneza la mwili wa Mrakibu Mwandamizi  wa Polisi EX SSP Hawa Luzy aliyefia Darfur Sudan alipokuwa amekwenda kwa ajili shughuli za ulinzi wa amani katika jimbo hilo.Ofisa huyo alizikwa jana katika makaburi ya Kisutu.

Askari wa Kikosi cha kutuliza ghasia (FFU) Wakitoa heshima za mwisho kwa mwili wa Mrakibu Mwandamizi wa Polisi EX SSP Hawa Luzy aliyefia Darfur Sudan alipokuwa amekwenda kwa ajili shughuli za ulinzi wa amani katika jimbo hilo.Ofisa huyo alizikwa jana katika makaburi ya Kisutu kwa heshima zote za kijeshi. (Picha na Frank Geofray-Jeshi la Polisi)