KITUO CHA SHERIA LHRC LEO CHAUNGANA NA WANAHARAKATI KUPINGA ADHABU YA KIFO DUNIANI

 Mkurugenzi wa Kituo cha Sheria na Haki za Binadamu nchini LHRC Dr.Helen Kijo-Bisimba akizungumza katika mdahalo wa kupinga adhabu ya kifo duniani uliofanyika leo jijini Dar-es-Salaam.

Bw. Mark Polatajko mwakilishi wa Balozi wa Uingereza nchini Tanzania akisoma hotuba katika mdahalo huo.

  Bw.Harlod Sungusia akitoa maoni na uzoefu kutoka nchi nyingine duniani zilizoweza kufuta adhabu ya kifo

Wadau mbalimbali walivyohudhuria katika mdahalo huo wakati wa maadhimisho ya Kupinga Adhabu ya Kifo Duniani

Mwalusanya Choir: Kwaya ya Kituo cha Sheria na Haki za Binadamu ilikuwa na wimbo maalumu wa kuhimiza kufutwa kwa Adhabu ya Kifo Tanzania

Na Rodrick Maro,Dar-es-Salaam

Kituo cha Sheria na Haki za Binadamu nchini LHRC leo kimeungana na wanaharakati mbalimbali kupinga adhabu ya kifo duniani katika kuadhimisha siku hiyo jijini Dar-es-Salaam.

Katika Maadhimisho hayo yalifanyika kwa kuwa na mdahalo wa kusisimua na kutolewa kwa ushuhuda wa mmoja wa waathirika wa adhabu ya kifo, aliyeponea tundu la sindano kunyongwa huku akiwa amekaa gerezani kwa zaidi ya miaka 18 kwa kosa ambalo linalodaiwa kuwa hakulitenda!

Baadhi ya wadau wengine waliohudhuria maadhimisho hayo ni pamoja na Ubalozi wa Uingereza, mashirika rafiki, wanavyuo wa vyuo vya elimu ya juu, wanafunzi wa sekondari (Kibasila), wanahabari na wananchi wa jiji la Dar-es-salaam.